ამბროლაურის მუნიციპალიტეტში რეგისტრირებული და მუდმივად მცხოვრები პირის სტატუსის მქონე მოქალაქეებისათვის სოციალური დაცვის პროგრამა ხორციელდება.

 პროგრამის მიზანია ახალშობილთა და მრავალშვილიანი ოჯახების მატერიალური წახალისება, მათი რაოდენობის ზრდა, ოჯახების სოციალურ-ეკონომიური მდგომარეობის და საცხოვრებელი პირობების შექმნა-გაუმჯობესება.

 პროგრამის ფინანსური უზრუნველყოფა ხორციელდება ამბროლაურის მუნიციპალიტეტის ბიუჯეტიდან, მისი განხორციელების ვადა განისაზღვრება 2021 წლის 01 იანვრიდან 31 დეკემბრის ჩათვლით, ამბროლაურის მუნიციპალიტეტის საკრებულოს N 12 დადგენილებით.

 პროგრამა მოიცავს სოციალური დაცვის შემდეგ ქვეპროგრამებს:

 ახალშობილთა ოჯახების ერთჯერადი ფინანსური დახმარება;

 მრავალშვილიანი (3 და მეტი 0-დან 18 წლამდე ასაკის ბავშვი) ოჯახების ერთჯერადი ფინანსური დახმარება;

 მარჩენალდაკარგული (0-დან 18 წლამდე ასაკის ბავშვი) ოჯახების ერთჯერადი ფინანსური დახმარება;

 უსახლკარო ოჯახების საცხოვრებელი ბინის ყოველთვიური ქირით უზრუნველყოფა;

 შეზღუდული შესაძლებლობის მქონე 0-დან 18 წლამდე ასაკის ბავშვთა ერთჯერადი ფინანსური დახმარება;

 ომისა და სამხედრო ძალების ვეტერანთა ერთჯერადი ფინანსური დახმარება;

 მიცვალებულთა სარიტუალო მომსახურება;

 100 წლის და 100 წელს გადაცილებულ ხანდაზმულ მოქალაქეთა ერთჯერადი ფინანსური დახმარება;

 ხანძრის შედეგად (საცხოვრებელ სახლზე) დაზარალებული ოჯახების ფინანსური დახმარება;

 მარტოხელა მშობლის (0-დან 18 წლამდე ასაკის ბავშვი) ერთჯერადი ფინანსური დახმარება;

 10 000-მდე სარეიტინგო ქულის მქონე ოჯახების საახალწლო და სააღდგომო სასურსათო პაკეტით უზრუნველყოფა;

 სოციალურად დაუცველი მოსახლეობის საშეშე მერქნით უზრუნველყოფა;

 სოციალურად დაუცველი მოსახლეობის ყოველდღიური უფასო ერთჯერადი კვება;

 შეზღუდული შესაძლებლობის მქონე პირთა ზრუნვის ხელშეწყობა;

 ახლადშექმნილი ოჯახების ერთჯერადი ფინანსური დახმარება;

 „დიალიზი და თირკმლის ტრანსპლანტაციის“ სახელმწიფო პროგრამით მოსარგებლეთა ყოველთვიური ფინანსური დახმარება.

 დეტალური ინფორმაციის მისაღებათ, კონსულტაციისათვის მიმართეთ ამბროლაურის მუნიციპალიტეტის მერიას.