სახელმწიფო რწმუნებულმა გასულ წელს მხარეში განხორციელებული მასშტაბური ინფრასტრუქტურული პროექტები განიხილა, ასევე მიმდინარე წელს განსახორციელებელ გეგმებზე ისაუბრა.

განსაკუთრებული აქცენტი გაკეთდა რეგიონში წყალმომარაგების კუთხით მიმდინარე მასშტაბურ სამუშაოებზე, სარაგბო სტადიონების მშენებლობაზე, სარეკრეაციო სივრცეების მოწყობაზე და გაზიფიცირების საკითხებზე.

სახელმწიფო რწმუნებულმა შეხვედრის მსვლელობისას, გასულ წელს სამსახურეობრივი მოვალეობის სანიმუშოდ და კეთილსინდისიერად შესრულებისთვის ადმინისტრაციის 3 თანამშრომელს მადლობის სიგელი გადასცა, ასევე რეგიონული პროექტებისა და კოორდინირების სამსახურის ახალ თანამშრომელს- თამარ გოგოლაძეს პოზიციაზე დანიშვნა მიულოცა.

‘’ჩვენი მთავარი მიზანია 2026 წელი იყოს, კიდევ უფრო, ნაყოფიერი რეგიონში შემავალი თითოეული მუნიციპალიტეტისათვის, ამისათვის აუცილებელია, რომ კვლავ ინტენსიურ რეჟიმში გავაგრძელოთ ახალ, მნიშვნელოვან და საინტერესო პროექტებზე მუშაობა, ამ პროცესში კი ადმინისტრაციის თითოეულ თანამშრომელს უდიდესი როლი გეკისრებათ, თქვენი ეფექტიანი მუშაობა განმაპირობებელია რეგიონის სწორად მართვის თვალსაზრისით.’’,-აღნიშნა სახელმწიფო რწმუნებულმა პაპუნა მარგველიძემ