ამბროლაურის N2 საჯარო სკოლის გოგონათა გუნდს მინი-ფეხბურთში ბრაზილიის სასკოლო მსოფლიოს ჩემპიონატის საგზურის მოპოვება ადგილობრივი ხელისუფლების და სახელმწიფო რწმუნებულის ადმინისტრაციის წარმომადგენლებმა მიულოცეს.
29 აპრილს ფოთის სპორტულ კომპლექსში გამართული მინი ფეხბურთის სუპერფინალი ანგარიშით 1:1 დასრულდა, რის შემდეგაც ამბროლაურის N2 საჯარო სკოლის გუნდმა პენალტების სერიაში გამარჯვების მოპოვება შეძლო.
მათ წინ დიდი გამოწვევა ელით – მსოფლიოს ჩემპიონატი, რომელიც 11-20 ნოემბერს ბრაზილიის დედაქალაქში გაიმართება.
გამარჯვებულ გუნდს და მათ მწვრთნელს ამბროლაურის მუნიციპალიტეტისგან მადლობის სიგელები, სიმბოლური საჩუქრები და ფულადი პრიზები გადაეცათ.
Loading ...