29 აპრილს ფოთის სპორტულ კომპლექსში გაიმართება სუპერფინალი მინი ფეხბურთში, სადაც 2023 და 2024 წლების სასკოლო სპორტული ოლიმპიადის გამარჯვებული სკოლების გუნდები ერთმანეთს ჩემპიონის ტიტულისთვის დაუპირისპირდებიან.
სუპერფინალის გამარჯვებული გუნდები ნოემბერში ბრაზილიის დედაქალაქ ბრაზილიაში გაემგზავრებიან სასკოლო მსოფლიო ჩემპიონატზე, რომელიც 11-20 ნოემბერს ჩატარდება.
მნიშვნელოვანი შეხვედრის წინ, ამბროლაურის მუნიციპალიტეტისა და რეგიონის ხელმძღვანელი პირები შეხვდნენ N2 საჯარო სკოლის გოგონათა გუნდის წევრებს, მათ მწვრთნელებს, სკოლისა და ფეხბურთის ფედერაციის, ასევე რესურს ცენტრის წარმომადგენლებს. მოისმინეს მათი მოლოდინები, გამოუცხადეს სრული მხარდაჭერა და წარმატებები უსურვეს.
რაჭა-ლეჩხუმ ქვემო სვანეთის სამხარეო ადმინისტრაცია და ამბროლაურის მუნიციპალიტეტი ყოველთვის მზად არის გვერდით დაუდგეს ჩვენს ახალგაზრდებს, ხელი შეუწყოს მათ განვითარებას და იამაყოს მათი მიღწევებით!
ერთად ვუგულშემატკივროთ ჩვენს მომავალ ჩემპიონებს საგზურისთვის ასპარეზობაში და წარმატებული გზა ვუსურვოთ მსოფლიო ჩემპიონატზე!
Loading ...